കുട്ടിപ്പാട്ട്--കാറ്റ്

പൂനിലാക്കായലില്‍ നീരാടി വാ

പൂമണം വീശും കുളിര്‍ തെന്നലേ

പഞ്ചമം പാടുന്ന രാക്കിളി പെണ്ണിന്

താളം പിടിച്ചു നീ നാടോടി വാ

കോമരം തുള്ളുന്ന കൊവിലുണ്ടേ

പൂമരം പൂക്കുന്ന കാവുമുണ്ടേ

തത്തിക്കളിക്കുന്നരാലില കൂട്ടത്തില്‍-

ആയിരം ചിങ്ങാരം ചൊല്ലി വായോ

പച്ച പുതപ്പില്‍ ഞൊറികള്‍ നെയ്തു

പച്ച നെല്‍ പാടം കടന്നു വായോ

കുഞ്ഞിളം ചോലയില്‍ നീന്തിക്കളിക്കുന്ന

കുഞ്ഞുമീന്‍ കൂട്ടത്തെ കണ്ടു വായോ

താഴെ തൊടിയിലെ തേന്‍ ചുരത്തും

വാഴപ്പഴ തോപ്പിലോടി നീങ്ങും

അണ്ണാരക്കണ്ണനും കുഞ്ഞിക്കിളികള്‍ക്കും

കിന്നാരം ചൊല്ലി നീയോടി വായോ