തുഷാരം- ചെറു പാട്ടു
മുറ്റത്തെ മുല്ലപ്പൂ പൈതലിന്‍ മേലെ
ഇറ്റിറ്റു നിന്ന തുഷാരമല്ലേ
തളിര്‍ തൊട്ടിലില്‍ആട്ടി തലോടുമീ തെന്നലില്‍
ഇറ്റു സുഗന്ധം നീ തന്നയക്കൂ
എത്തും പുലര്‍ കാല പുത്രിയല്ലേ
നിന്നിലെത്തുന്ന സൂര്യാംശു വേഷമല്ലേ
വാരിളം പൂവിന്‍ മേല്‍ ചേലെഴും ചേലയായ്
മാരിവില്‍ പുഞ്ചിരി ബന്ധുര ചന്തമായ്
ഇത്ര ക്ഷണികമാം ജന്മമെന്നാലും നീ
ചിത്തം നിറച്ചു നീ ആമോദമേകിടും
പൃഥ്വി തന്‍ മാറില്‍ അലിഞ്ഞിറങ്ങും മുമ്പെ
ബാഷ്പമായ് വായുവില്‍ മറഞ്ഞു പോകും മുമ്പെ
0000 സം പൂജ്യന്‍ 0000 പോസ്റ്റ് ചെയ്തത് @ 12:07 PM
0 അഭിപ്രായങ്ങള്‍:
ഒരു അഭിപ്രായം പോസ്റ്റ് ചെയ്യൂ
ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]
<< ഹോം