മേടമാസ പുലരി

ഈറന്‍ പൂംപട്ടുടുത്തു പൊന്നൊളിയില്‍ക്കളമെഴുതും
മേടമാസ പുലരിപെണ്ണാളേ
കതിരുതിരും മേനിയിലിന്നൊരു കുളിരലതെല്ലുണ്ടോ
അതിലോലമിന്നീയണിയും പൊന്നുടയാടകളും
അരിമുല്ല കാവിലെ അന്തി പടയണികണ്ടില്ലേ
കൊന്ന മരചോട്ടില്‍ മഞ്ഞപൂ ക്കണി വച്ചില്ലേ

അരുണനവന്‍ അണയുംമ്പോളതിലോലയായിനീ
തെളിയും നിന്നംബര വദനം പുഞ്ചിരി തൂകുന്നു
കനക മണി ചിലങ്കയിട്ട് നര്‍ത്ത നമാടീ നീ
കനവുകളില്‍ വരവര്‍ണ്ണ കൈനീട്ടം തന്നു

പൂവുകളില്‍ പൊന്നൊളി തൂകി പുലര്‍കാലം വന്നു
വിത്തെറിയാം മണ്ണില്‍ നീളെ പത്താമുദയത്തില്‍
ചെല്ലക്കിളി പാടുന്നെന്നും ചക്കക്കുപ്പുണ്ടോ
ചക്കര മാന്തോപ്പില്‍ നീളെ കൊട്ടനു വിളയാട്ടം